Sport

Fifanintsanan’ny CAN 2021 Iray vondrona amin’i Côte d’Ivoire, Niger, Ethiopie ny Barea

Sport
Zoma 19 Jolay 2019

Vita omaly ny antsapaka momba ny fiadiana ny fifanintsanana isam-bondrona hiadiana izay ho tompon’ny amboaran’i Afrika afaka roa taona indray na ny CAN 2021 raha toa ka hanakatona tanteraka ny

CAN 2019 ny lalao famaranana eo amin’i Algérie sy Sénégal anio alina. Nozaraina ho vondrona 12 ahitana ekipa 4 avy ireo firenena hifanintsana amina lalao mandroso sy miverina manome lalao 6 avy, ka izay 2 voalohany avy no hiakatra amin’ny dingana famaranan’ny CAN. Ireo ekipa 8 ratsy toerana indrindra, dia mbola hanao lalao savaranonando hiakarana anaty vondrona, dia tsy iza fa i Liberia sy Tchad, Soudan Atsimo sy Seychelles, Maorisy sy Sao-Tomé, Djibouti sy Gambie. Ao anatin’ny Vondrona K kosa no misy an’i Madagasikara, Côte d’Ivoire, Niger, ary Ethiopie. Azo heverina fa ambony ny herijikan’i Madagasikara, raha ny dingana efa vitantsika. Hanomboka ny 11 novambra 2019 hatramin’ny 17 novambra 2020 ny fifanintsanana.

Toky R