Sport

Fifaninanana nasionaly ASIEF 2018 Vonona amin’ny fandraisana ny hetsika i Toamasina

Sport
Zoma 27 Jolay 2018

Nambaran’ny filoha nasionalin’ny ASIEF (Association Sportive Interministérielle pour l'Entretien des Fonctionnaires),

Atoa John Love, tao amin’ny fivoriana fanaon’izy ireo isan-kerinandro etsy amin’ny ANS Ampefiloha, ny alarobia 25 jolay 2018, fa taorian’ny fitsidihana ny zava-misy nivantana nataony niaraka tamin’ny delegasiona notarihany tany an-toerana tamin’iny herinandro lasa iny dia efa vonona tanteraka i Toamasina amin’ny handraisana ny fifaninanana nasionalin’ny ASIEF 2018 hotanterahina amin’ny 26 septambra ka hatramin’ny 7 oktobra 2018 ho avy izao. Mbola hisy ny fanatsarana tsy maintsy hatao amin’ny kianja filalaovana sasantsasany sy ny famitana ny fifanarahana amin’ny handraisana “hebergement” an’ireo mpiasam-panjakana miisa 7000 avy amin’ny Faritra 22 ho avy any Toamasina. Midika izany, hoy ny filoha John Love fa tsy maintsy vita amin’ny 15 septambra 2018 ny fifaninanana rehetra isam-paritra. Ho hentitra ny fanaraha-maso an’ireo mbola mampiakatra kianja an’ireo mpilalao “licenciés”, hoy izy.

Ntsoavina Evariste