Sport

Fifaninanana nasionaly ASIEF 2018 Vonona amin’ny fandraisana ny hetsika i Toamasina

Sport
Alakamisy 26 Jolay 2018

Nambaran’ny filoha nasionalin’ny ASIEF (Association Sportive Interministérielle pour l'Entretien des Fonctionnaires),

Atoa John Love, tao amin’ny fivoriana fanaon’izy ireo isan-kerinandro etsy amin’ny ANS Ampefiloha, omaly alarobia 25 jolay 2018, fa taorian’ny fitsidihana ny zava-misy nivantana nataony niaraka tamin’ny delegasiona notarihany tany an-toerana tamin’iny herinandro lasa iny dia efa vonona tanteraka i Toamasina amin’ny handraisana ny fifaninanana nasionalin’ny ASIEF 2018 hotanterahina amin’ny 26 septambra ka hatramin’ny 7 oktobra 2018 ho avy izao. Mbola hisy ny fanatsarana tsy maintsy hatao amin’ny kianja filalaovana sasantsasany sy ny famitana ny fifanarahana amin’ny handraisana “hebergement” an’ireo delegasiona avy amin’ny Faritra 22 ho avy any Toamasina. Midika izany, hoy ny filoha Jhon Love fa tsy maintsy vita amin’ny 15 septambra 2018 ny fifaninanana rehetra isam-paritra. Ho hentitra ny fanaraha-maso an’ireo mbola mampiakatra kianja an’ireo mpilalao “licenciés”, hoy izy.

Ntsoavina Evariste