Sport

Fifaninanana ASOIMI Hentitra ny sivana hitiliana ireo mersenera

Sport
Talata 02 Jona 2015

Tahaka ireo faritra hafa teto Madagasikara, dia nosokafana ofisialy tao amin�ny Gymnase CRJS ny hetsika fifaninanana ara-panatanjahantena ho an�ireo mpiasam-panjakana (ASOIMI) tao anatin�ny faritra Atsinanana.

Nitarika izany ny filoham-paritra Rabarivelo Laurent, notronin’ny filoha lefitry ny ASOIMI nasionaly sy ireo tompon’andraikitra tao an-toerana. Mifanandrify indrindra amin’ny fanamarihana ny faha-15 taonan’ny ASOIMI izao taona izao, raha toa ka efa telo taona izay no nandraisan’ny faritra Atsinanana anjara. Hentitra ny fepetra raisina manoloana ny fanafoanana ny “mercenariat” amin’ireo mpilalalo amin’ity taom-pilalaovana ity, izany hoe ireo mpiasam-panjakana ihany no tokony handray anjara amin’ny lalao rehetra. Efa mipetrapetraka moa ny fomba hanamarinana izany eny anivon’ireo sampandraharaham-panjakana samihafa miara-miasa. Ho an’ny faritra Atsinanana manokana, dia efa naneho ny fahavononany hiatrika ny nasionaly any Manakara amin’ity taona ity ireo mpilalao.

Fanja Toamasina