Sport

Partagé sur :
• facebook

Nahazo tsodrano tamin’ny anaran’ny governemanta tarihany sy tamin’ny anaran’ny tenany manokana ny tompon’andraikitra mitantana sy mikarakara ny ASIEF na “Association Sportive Interministérielle pour l’Entretien des Fonctionnaires” notarihan’ny filohany, Botosera John Love,

 raha nihaona sy nitafatafa tamin’ny praiminisitra Ntsay Christian teny amin’ny lapan’i Mahazoarivo tamin’ny  alakamisy 03 oktobra maraina teo amin’izao ankatoky ny hiaingan’izy ireo handeha hamonjy an’Antsiranana izao izay toerana hanatanterahana ny fiadiana ny tompondakam-pirenena amin’ireo taranja fanatanjahantena ho an’ny mpiasam-panjakana (Ny 07 ka hatramin’ny 20 oktobra 2019 ho avy izao). Nifampiresahana tamin’izany ny amin’ny hahazoan’ny governemanta mitondra ny anjara birikiny amin’ny hoenti-manatanteraka ity fihaonana ara-panatanjahantena ity ka nojerena indrindra ny amin’ny tetibola tokony  hanampian’ireo minisitera tsirairay avy an’ity hetsika ity mba hisian’ny fitoviam-pijery sy fitovian-jo eo amin’ny samy mpiasam-panjakana handray anjara amin’ny fifaninanana ka tsy  hisy ny fametrahana mpiara-miasa na mpiasam-panjakana ho ambony kokoa noho ny rehetra. Izay no manamarina ny fiombonana, hoy ny praiminisitra. Notsiahiviny fa efa ela no nisy ity fihaonana ara-panatanjahantena ity ary nekena ny hitohizany, saingy aorian’ny fotoan’ny fifanintsanana dia tokony hisy ny fivoriana hanatsarana sy handrindrana ny fanatanterahana ny tanjona nametrahana ny « ASIEF ».

Ntsoavina Evariste

Filaharana ASIEF tetsy Anosy (Tahirin-tsary)

Tia Tanindrazana

Samia mijoro ho an'i Gasikara.