Sport

Fibatana fonjamby Malagasy Mahazo tohana ireo atleta sangany

Sport
Zoma 08 Mey 2020

Na dia eo aza ny fepetra noraisin’ny fanjakana amin’ny tsy tokony hanatanterahana hetsika ara-panatanjahantena amin’izao fotoana hiatrehana ny amehana ara-pahasalamana eto amintsika izao dia tsy niraviravy tanana ny Federasiona Malagasin’ny taranja fibatana fonjamby fa niezaka manohana ara-pitaovana sy ara-teknika hahazoan’ireo atleta sangany ao aminy miatrika fanazaran-tena any an-tranony mba hitazomana ny “forme” ananan’izy ireo ankehitriny. Nambaran’Atoa Randriamanarivo Harinelina Jean Alex, filohan’izany federasiona izany, fa novatsiana fitaovana any an-tranony ireo atleta sangany ireo hahafahany manohy tsy tapaka ny fanazaran-tenan’izy ireo tsirairay avy ary harahi-maso ihany koa amin’ny alalan’ny fandefasana teknisiana mpanazatra manome toro-marika azy ireo. Anisany mahazo an’izany tohana izany ohatra ry Andriantsitohaina Tojo sy Eric, Randafiarison Rosina, Ravololoniaina Vania, Ramiaramanana Ricardo, raha tsy hilaza afa-tsy ireo fotsiny isika.

Ntsoavina Evariste