Sport

Fibatana fonjamby � FMHMC Lany ho filoha fanindroany i Harinelina

Sport
Alarobia 19 Mey 2010

Notontosaina omaly ny fifidianana fanavaozana ireo mpitantana ny federasiona malagasin�ny fibatana fonjamby sy ny fanabonkonan-kozatra.

Kandida tokana ihany no nilatsaka dia ny filoha am-perinasa, Randriamanarivo Harinelina Jean Alex ary lany soa aman-tsara tamin’ny vato 6 tamin’ny 6. Ligy enina no tonga nandatsa-bato dia Analamanga, Atsinanana, Boeny, Itasy, Alaotra Mangoro ary Vakinankaratra. Araka ny tapak’ireo ligy mpifidy dia lisitra no nofidiana. Hiditra amin’ny fe-potoam-piasana faharoa izany i Harinelina izay efa nitana io andraikitra io nanomboka tamin’ny taona 2004 nahalany azy voalohany. Marihina fa ity farany dia manampahaizana manokana sady filohan’ny vaomiera teknikan’ny kaonfederasiona afrikanin’ny fibatana fonjamby aty Afrika, no sady mpitsara iraisam-pirenena amin’ny body building. Tanjon’ity ekipa vaovao ity ny hamoaka teknisianina avo lenta. Hatao laharam-pahamehana ihany koa ny fampiofanana ireo mpitantana. Anisan’ny hetsika goavana amin’ity taom-pilalaovana ity ny fiatrehana ny fiadiana ny tompondakan’i Afrika senior amin’ny fibatana fonjamby izay hatao any Yaoundé Cameroun ny 22-27 jolay izay tafiditra amin’ny fifantenana ireo hiatrika ny Lalao olimpikan’i Londres 2012. Ankoatra izay ny fiadiana ny tompondaka eran-tany amin’ny body building hatao any Thailand ny 4-5 septambra.

Hery Rabe

Randriamanarivo Harinelina, filohan’ny FMHMC

Ireo mpitantana vaovao

Filoha : Randriamanarivo Harinelina JA

Filoha lefitra : Randrianiaina Bien Donné

Razafimahefa Herinirina

Sekretera jeneraly : Andriamparany Liva Harizaka

Mpitahiry vola : Ravololonirina Rabe Eric

Mpanolotsaina : Raharimanga Perline Anita

Robinson Andrianina