Sport

Fiba 3 x 3 Africa Cup 2019 Laharana faha-4 no azon’i Madagasikara

Sport
Alatsinainy 11 Novambra 2019

Resin’i Egypte 21 -11 ny ekipa lehilahy Malagasy teo amin’ny manasa-dalan’ny fifaninanana « Fiba 3 x 3 Africa Cup 2019 » omaly alahady 10 novambra 2019 tany kampala Ouganda ka nihamina

tamin’ny lalao fiadian-toerana faha-3 nifanandrinany tamin’i Mali izay lavon’i Rdc 16-11 teo amin’izay ankatoky ny famaranana izay. Laharana faha-4 no azon’ny ekipa Malagasy rehefa lavon’i Mali 19-17 izy ireo teo amin’io lalao fiadian-toerana faha-3 io. Marihana fa i Egypte no nibata ny amboaran’ny Fiba 3 x 3 Africa Cup 2019 sokajy lehilahy rehefa nandresy an’i Rdc 21-12 teo amin’ny lalao famaranana omaly.

Ntsoavina Evariste