Sport

Fiantsoana ireo Barea Tombanana ho amin’ity herinandro ity fara-fahatarany…

Sport
Alatsinainy 13 Mey 2024

Tombanana ho fara-fahatarany amin’ity herinandro ity ny fiantsoana ireo mpilalao handrafitra ny ekipam-pirenena

malagasin’ny baolina kitra na Barean’i Madagasikara hiatrika ny tohin’ny fiadiana ny tapakila hankanesana any amin’ny tompondaka eran-tany eo amin’ny taranja baolina kitra. Mbola tsy naharaisana vaovao mazava mikasika izany moa hatreto ny mpanazatra Romuald Rakotondrabe na Rôrô saingy tsiahivina kosa fa ny 3 jona izao isika no hiatrika ny lalao mandroso izay tokony atao eto an-toerana amin’ny ekipam-pirenen’i Kaomoro. Ny 11 jona kosa no tokony handray ny ekipam-pirenen’i Mali, izany hoe, afaka tapa-bolana mahery eo sisa. Andrasana araka izany ny lisitr’ireo mpilalao. Mety hisy fiovana ve, raha ireo zava-nitranga nandritry ny tohin’ireo taom-pilalaovana isaky ny fifaninanam-pirenena taorian’ny varavara-kelin’ny FIFA ireny no iaingana sa ho voatazona avokoa ireo nanao fitsapana tamin’ny ekipam-pirenen’i Burundi sy Rwanda? Etsy ankilany, moa ve ny olana misy rehetra, indrindra, ny mikasika ny fankasitrahana na «prime» ho an’ireo mpilalao efa voavaha?
J. Mirija