Fiadiana ny amboaran’I France Tafita amin’ny 1

16n-dàlana ry Dorian Bértrand

Sport
Alatsinainy 20 Desambra 2021

Tafita tao anatin’ny ady mafy ! Io no mahafintina ny lalaon’ny AS Nancy Saint Lorraine ao anatin’ny Ligue 2 (L2) any France nanoloana ny Estac Troes izay izay ao anatin’ny Ligue 1 (L1) ny sabotsy.

Lalao niadiana ny tapakila hiakarana amin’ny dingana 1/16n-dàlana amin’ny fiadiana ny “Coupe de France” Amboaran’I France io. Ny Nancy Saint Lorraine izay marihina fa misy ilay mpilalaon’ny Barean’I Madagasikara Dorian Bertrand, ary klioban’I Rayan Raveloson teo aloha ny Troyes, izay tompondakan’ny L2 farany teo, ary niakatra L1. Nisaraka ady sahala 1-1 ny roa tonta teo amin’ny fe-potoana ara-dalàna sy ny fanalavam-potoana na tratry ny karatra mena aza ny mpilalaon’ny Nancy Saint Lorraine miisa telo. Voatery niditra tamin’ny fandakana “tirs-au-but”, ka nivoaka mpandresy tamin’ny isa 4-2 ry Dorian Bértrand. Marihina fa tompon-toerana ity mpilalao Malagasy ity, ary nahomby ny 94% tamin’ny tolotra nomeny.
Toky R