Sport

Fiadiana ny amboara Asief Analamanga 2019 Nanomboka ny sabotsy teo ny fifaninanana basikety

Sport
Alatsinainy 06 Mey 2019

Hiditra eo amin’ny dingan’ny ampahefa-dalana sahady ny lalao Asief taranja volley-ball, fiadiana ny amboaran’Analamanga 2019 amin’ny faran’ny herinandro izao.

Nanomboka tamin’ny sabotsy 27 aprily izy io, notohizana tamin’ny sabotsy 04 mey 2019 teo, tetsy amin’ny kianja ivelan’i Mahamasina, ny fifaninanana dingana voalohany ho an’ny taranja basikety baolina amin’ity fiadiana ny amboara Asief Analamanga 2019 “Vainqueur de Coupe” ity. Lalao 15 no vita, ka nandray anjara tamin’izany ireo ao amin’ny sokajy tanora sy sokajy vehivavy ary sokajy “veteran” izay ahitana ekipa 54 ny fitambaran’izy ireo amin’ny ankapobeny. Nambaran’ny filohan’ny Asief basket Analamanga, Rabemananjara Fenomanana, teny Mahamasina fa tapa-bolana aorian’ireo lalao famaranana amin’ity fiadiana ny amboara ity vao hanomboka ny fiadiana ny ho tompondaka Asief Basket Analamanga 2019.

Ampaham-bokatra azo tamin’ny sabotsy : Justice 40 – 38 Infa ; Prm 53 – 37 Mesupres ; Mdn 20 – 00 Mmrs.

Ntsoavina Evariste