Sport

Festival des Arts Martiaux Malagasy Any Mahajanga indray no fotoana

Sport
Alatsinainy 04 Septambra 2017

Tontosa tetsy amin’ny Lapan’ny fanatanjahantena Mahamasina omaly alahady 3 septambra 2017 tontolo andro ilay hetsika « Festival des arts martiaux et combats de défi » nokarakarain’ny CAM na « Collectif des Arts Martiaux » tarihan’i Me Raharinala Gilbert.

Afa-po izahay mpikarakara tamin’ny ankapobeny, hoy izy fa nahazoana nanatsara miainga ifotony an’ireo taranja haiady samihafa ny hetsika natao satria nandraisan’ny faritany enina eto amintsika anjara. Nampiavaka ity andiany voalohany amin’ny Rombo ity ny nahitan’ny mpanotrona teto Antananarivo voalohany ny fifaninanana Diamanga sy Moraingy. Ezahina hoentina hitety Faritra ny hetsika, hoy i Me Gilbert, ka any Mahajanga amin’io volana novambra 2017 ho avy io no hitondran’ny CAM ny Festival andiany manaraka.

Ntsoavina Evariste