Sport

Federasion’ny Kick Boxing Lany ho filoha vaovao i Mamy Be

Sport
Alarobia 31 Janoary 2018

Vita omaly tetsy amin’ny Lapan’ny fanatanjahantena Mahamasina ny fivoriamben’ny federasion’ny taranja Kick Boxing eto Madagasikara izay notarihan’ny “ Commission Electorale” an’ity taranja ity ary natrehan’ny minisiteran’ny fanatanjahantena notarihan’ny DSF, Rosa Rakotozafy.

Kandidà 2 no niatrika ny fifidianana dia Rskotonandrasana Alexandre sy Mamindraibe Andrianome Rasolofotafika na i Mamy Be ka lanin’ireo Ligy 9 misy eo amin’ity taranja ity tonga nanatontosa ny fifidianana tamin’ny salanisa 100% ity farany izay nanambara tamin’ny tafa voalohany nifanaovany tamin’ny mpanao gazety fa vonona ny hanohy sy hanatsara ny zava-bita ny nodimbiasany teo aloha ny tenany ary vina tsy maintsy hotanterahina ny hameno ho 22 an’ireo ligim-paritry ny kick Boxing manerana ny nosy.

Ireo mpikambana vaovaon’ny federasion’ny Kick Boxing Malagasy :

Filoha : Mamindraibe Andrianome Rasolofotafika

Filoha lefitra : Raherinjanahary Pierre Raymond

Mpitam-bola : Herilanto Gionto Daniel

Sekretera Jeraly : Rakotoarimanana A Patrick José Abel

Tale Teknika : Maronirina Anigaël Gastros

Mpanamarim-bola : Botofahatelo Marc Stephanson

Mpanolotsaina : Raby Razafinambinina Myriam Eléonore, Randrianirina Norosoa Joséphine.

Marihana fa 4 taona no fe-potoam-piasan’ity birao mitantana ny federasion’ny kick boxing vaovao ity.

Ntsoavina Evariste