Sport

Federasiona Malagasin’ny Volley-ball Tohizana indray ny fikarakarana ny « Coll volley »

Sport
Talata 09 Jolay 2019

Rehefa najanona nandritra ny fotoana naharitra dia tohizan’ny FMVB “Federasiona Malagasin’ny taranja Volley-ball”

tarihan’Andriamanantena Tahina indray ny fikarakarana ny hetsika “Coll volley” natokana ho an’ny kilonga madinika 8-10 taona sy latsaky ny 11 taona manana sy tsy manana “licence”. “Tsy dia fifaninanana loatra akory izy ity, hoy izy, fa hetsika natao hitarihana ny ankizy Malagasy ho tia sy hiangaly ny taranja volley-ball dieny mbola kely”. Tetsy amin’ny kianja filalaovam-baolin’ny Kolejy Md Misely Amparibe ary tamin’ny sabotsy 06 jolay 2019 teo no nameloman’ny FMVB indray an’ity hetsika ity. Kianjana volley-ball kely 8 x 4m maromaro no natsangana teo ka ankizy 2 an-daniny sy an-kilany no nilalao mandritra ny 5mn in-droa miditra avy. “Hotanterahina mialoha ny hetsika hataon’ny FMVB manerana ny nosy ity hetsika “Coll volley” ity manomboka izao, hoy ihany Atoa Tahina.