Sport

Federasiona Malagasin’ny Baolina kitra Amin’ny 2 jona ny fivoriambe

Sport
Sabotsy 05 Mey 2018

Taorian’ny lanonana tsotra, natao teny Isoraka foibe toerany, niarahabana sy nanoloran’ny FMF fankasitrahana ny Barea U 17 niatrika ny lalao Cjsoi tany Djibouti farany teo ka nahazoany ny medaly volafotsy no nanambaran’Atoa Doda

Andriamiasasoa filohany fa hotanterahina amin’ny 2 jona 2018 izao eto Analamanga ny fivoriamben’ny FMF taona 2018. Notoloran’ny Fmf lelavola 200.000 ariary avy ho fankaherezana azy ireo ny mpilalaon’ny Barea U 17. Nahazo ny anjarany manokana koa ireo mpanazatra sy ireo mpilalao mendrika indrindra tamin’iny fifaninanana baolina kitra Cjsoi 2018 iny izay saika mpilalao Malagasy avokoa izy rehetra. Mpampidi-baolina be indrindra nahafaty baolina 5 i Arnaud Rakotoniaina, irakiraka mendrika indrindra i André Todisoa, vodilaharana mendrika indrindra i Mamisoa ary mpitsara mendrika indrindra i Jean Marie Vianey.

Ntsoavina Evariste