Sport

Federasion�ny Fanatanjahantena an-tsekoly Naseho ampahibemaso tetsy Anosy ireo mpikambana

Sport
Sabotsy 03 Desambra 2016

Naseho ampahibemaso ho fantatry ny besinimaro omaly, tetsy amin�ny trano fivorian�ny MEN etsy Ampefiloha, ireo mpikambana hitantana ny rafitra Federasion�ny Fanatanjahantena an-tsekoly (F�d�ration Omnisports Scolaire de Madagascar).

Voafaritry ny lalàna lah. 97-014 tamin’ny 08 aogositra 1997 sy ny didim-panjakana lah 11368/2015 izy io, tarihan’Atoa Rasoloarison Njakatsirofo. Manana mpikambana mpitantana avy amin’ny minisiteran’ny Fanabeazam-pirenena, minisiteran’ny tanora sy fanatanjahantena, minisiteran’ny fampianarana teknika sy fampianarana araka asa ary avy amin’ny minisiteran’ny fahasalamambahoaka izy ity. Efa tamin’ny taona 2015 io rafitra io no nitsangana ara-panjakana fa izao vao natolotra ampahibemaso. Famolavolana ireo ankizy mpianatra ho taninketsan’ny fanatanjahantena Malagasy no tena tanjona tamin’ny fananganana azy. Ho famerenana ny lazan’ny fanatanjahantena an-tsekoly nampisongadina atleta Malagasy maro no antony. 4 taona ny fotoam-piasan’ireo mpitantana ao aminy ary ny latsakemboka aloan’ny fikambanana “Association” isaky ny toeram-pianarana rehetra no loharanom-bolany. Mahaleotena tanteraka amin’ny lafiny rehetra ny fitantanana ao aminy.

Ntsoavina Evariste