Sport

Fantanjahantena an-tsekoly 2018 Efa vonona ny rehetra ho any Toliara

Sport
Alakamisy 20 Septambra 2018

Ho tanterahina any Toliara renivohitr’Atsimo Andrefana manomboka ny 28 septambra ka hatramin’ny 07 oktobra 2018 ho avy izao ny fiadiana ny andiany faha-2 amin’ny “Championnats nationaux du sport scolaire 2018”

na andiany faha-25 amin’ny fanatanjahantena an-tsekoly. Taranjam-panatanjahantena 5 no hifaninanan’ireo ankizy mpianatra amin’izany dia ny “Foot à 7” hoan’ny zazalahy sy zazavavy 12 sy 13 taona. Basikety baolina hoan’ny lahy sy vavy 14 sy 15 taona. Volley ball hoan’ny zatovolahy sy zatovovavy 16 sy 17 taona. Hand Ball hoan’ny zatovolahy sy zatovovavy 16 sy 17 taona ihany ary mbola hoan’ny lahy sy vavy 16 sy 17 taona ihany koa ny taranja fototra atletisma. Hanana solontena handray anjara amin’ity fifaninana ity avokoa, hoy ny mpandrindra nasionalin’ny fanatanjahantena an-tsekoly, Njaka Tsirofo, ny Faritra 22 eto Madagasikara izay efa samy nahavita ny fifaninanana rejionaly tao aminy avokoa.

Ntsoavina Evariste