Sport

Fanomanan-tenan’ny Barea Tsy any Luxembourg ny seraseran’ny FMF

Sport
Alakamisy 08 Oktobra 2020

Hatramin’ny omaly aloha, izay andro faharoa nahatongavan’ireo mpilalaon’ny Barea ao Luxembourg, dia tsy misy ny solontena mpiandraikitra ny seraseran'ny federasionina Malagasin’ny baolina kitra na FMF any an-toerana,

raha ny fampitam-baovao voaray. Ireo mpilalao sy mpanazatra ihany araka izany no mampahafantatra araka izay azony atao ny ambiansy sy ny zava-misy any an-toerana momba izay fanomanan-tena izay. Ho an’ny tapany maraina omaly, ohatra, taorian’ny fiaraha-misakafo dia niroso tamin’ny fifankazarana na “séance collective” sy ny kotrana manokana toy ny “séance individuels" sy “condition physique” ireo mpilalao. Hionona amin’ilay fiheverana azy ity ho raharaham-panjakana fotsiny tokoa ve izany ny FMF sa inona no tena mba andraikiny amin’ny maha federasionina azy? Dia tena tsy misy azony atao ankoatry ny fandaminana lalao toy ny resaka tapakila sy toerana anaty kianja fotsiny tokoa ve ?

J. Mirija