Sport

Fanokafana ny Mondial 2018 Ravan’ny Rosianina ny ady sahala nahazatra

Sport
Zoma 15 Jona 2018

Ravan’ny ekipa Rosianina omaly alakamisy 14 jona tao amin’ny kianja Loujniki ao Moscou ny ady sahala mahazatra amin’ny lalao fanokafana ny Mondial hatrizay fa nomontsaniny tamin’ny isa navesatra 5-0 ny ekipan’i Arabie Saoudite.

I Gazinsky teo amin’ny minitra faha-12 no nampiditra ny baolina voalohany amin’ity Mondial 2018 ity, narahan’ny baolina matin’i Cheryshev minitra faha-43, Dzyuba (71’), Cheryshes (90’+1) ary Golovin (90’+4). Ny ekipan’i Rosia, ny filoha Rosianina Vladmir Poutine nanokatra ny hetsika ary Robbie Williams no azo ambara fa nisongadina indrindra nandritra ity fanokafana ny Mondial 2018 ity. Ireo lalao harahina anio zoma 15 jona :

15:00-Egypte # Urugay (A)

18:00-Maroc # Iran (B)

21:00-Portugal # Espagne (B)

Ntsoavina Evariste