Sport

Faneva Ima Nidera manokana an’i Mamy Gérvais sy Paulin

Sport
Talata 07 Jona 2022

Nomen’i Faneva Ima Kapitenin’ny Barean’i Madagasikara teo aloha toraka voninkazo manokana ireo mpilalao mirahalahy isan’ny efa tranainy ao anatin’ny Ekipam-pirenena taorian’ny lalao nifanandrinana tamin’i Angola tetsy

Mahamasina ny alahady 5 jona teo. « Midera manokana an’i Mamy Gervais sy Voavy Paulin tamin’ny lalao izay natao teo fa tena fitaratry ny mpilalao tanora no nasehonareo teo ambony kianja androany, eny fa na dia teny ivelan’ny kianja koa aza hatramin’izay. « Respect » ho anareo roalahy ! Voavy Paulin tohizo foana lesy an», hoy izy. Nambarany fa tsy mbola nandà ireto mpilalao ireto rehefa antsoina, miady mafy eny ambony kianja, tsy mba be teny, tena tia tanindrazana mba ho fitaratr’izo zandrikely rehetra. Tsara ny mampahatsiahy, fa raha naneho ny mpanazatra Nicolas Dupuis tamin’ny valandresaka nialohan’ny lalao fa i Ahmada irery tamin’ireo mpilalao niatrika ny CAN no ho tompon-toerana tamin’ny alahady teo, dia tsy izay no niseho fa nahazo fitokisana feno izy roalahy ireto, ary najoro ho isan’ireo 11 niditra voalohany avy hatrany.
Toky R