Sport

Faneva Ima Naka retirety iraisampirenena

Sport
Alarobia 05 Febroary 2020

Tao amin’ny tambajotra Twitter no nilazan’ny kapitenin’ny ekipam-pirenena Malagasin’ny baolina kitra teo aloha,

Faneva Andriatsima na Faneva Ima, fa nanapa-kevitra ny hijanona tsy hilalao intsony ao amin’ny klioba nilalaovany farany teo ao Arabia saodita dia ny Abha Club ny tenany. Azo lazaina fa fahombiazana no niainan-dRakapy tao amin’ity klioba divizionina voalohany arabo ity tao anatin’izay herintaona latsaka kely izay. Tao anatin’ireo lalao miisa 14 niakarany kianja dia miisa 7 ireo baolina tafidiny. Safidy manokana ary nankatoavin’ny Abha Club tamim-panajana moa ity fanapahan-kevitr’i Faneva ity, raha ny fanazavany. Fanapahan-kevitra izay efa midika rahateo ihany koa fa naka retirety amin’ny maha mpilalao kitra iraisampirenena azy ny tenany. Mety hiketrika lalana ho mpanazatra indray ve, ohatra ?

J. Mirija