Sport

Faneva Ima «Mbola maro ny zavatra tena mila ovaina »

Sport
Talata 03 Mey 2022

Misaotra betsaka azy 10 mianadahy nahita marimaritra iraisana momba ny ekipam-pirenetsika sy ny fandaminana ao anatin’ny FMF, hoy ny kapitenin’ny ekipam-pirenena malagasin’ny baolina kitra teo aloha,

Faneva Andriatsima na Faneva Ima. Mbola maro ny zavatra tena mila ovaina sy alamina raha tena tiantsika rehetra mba tsy hisian’ny olana intsony eo amin’ny ny baolina kitra Malagasy, hoy izy. Manana andraikitra sy adidy betsaka isika mpitantana klioba, ny mpilalao ary ireo mpitantana voafidy maro eraky ny faritra eto Madagasikara satria isika ireo mitambatra no fototra ijoron’ny fikambanana federaly Malagasy. Aoka isika rehetra hanohana tsy misy fepetra ny Barea fa io irery no antsika, hoy hatrany Rakapy.

Hita fa maro ny Malagasy mahay baolina, fa ny mahagaga dia tsy mety lasa lavitra ny ekipam-pirenena Malagasy.Tsy ny mpilalao izany no olana fa ny rafitra sy ny fomba fiasa ary ny fitantanana.
J. Mirija