Sport

Faneva Ima Mandravarava ao Emirats Arabes Unis

Sport
Alatsinainy 12 Oktobra 2020

indray Andro vitsy monja nahatongavany ao amin’ny ekipa misy azy vaovao, Al Hamriyah, ao Emirats arabes unis, dia efa nitondra fandresena ho an’ny ekipany sahady ny kapitenin’ny Barea teo aloha,

Faneva Andriantsima na Faneva Ima. Izy no nampiditra ny baolina faharoa izay nampandresy azy ireo 2 noho 1 nanoloana ny Dibba Al-Hisn Sports Club ny zoma teo ao anatin’ny amboaran’ny filoham-pirenena ao an-toerana, andro voalohany. Isan’ireo mandray anjara amin’ny fifaninanam-pirenena UAE Division One ao an-toerana ihany koa moa ny Al Hamriyah. 36 taona ankehitriny i Rakapy saingy hatreto aloha izany dia mbola tsy miheritreritra ny haka retirety ara-panatanjahantena mihitsy ity kapitenin’ny ekipam-pirenena malagasin’ny baolina kitra teo aloha ity.

J. Mirija