Sport

Faneva Andriatsima Malaina hiala ao Frantsa

Sport
Zoma 09 Aogositra 2019

Taorian'ny fahataperan'ny fifanarahany tao amin’ny Clermont Foot 63 dia mbola mitady izay klioba handray azy indray ny kapitenin'ny Barea,

Faneva Ima na Faneva Andriatsima. Maniry haka ity lohalaharan’ny ekipam-pirenena malagasin’ny baolina kitra ity ny ekipa divizionina voalohany ao La Reunion, As Excelsior. Efa nanambara anefa izy fa malaina ny hiala ao Frantsa na dia mbola mieritreritra ny hilalao 2 taona eo aza. Ankoatra ny taona izay efa mananika ny faha 35 dia heverin’ireo teknisianina fa sakana ho azy koa anefa izy mifidy rafi-dalao na “système de jeu” mirona kokoa amin’ny rafitra 4-2-3-1 na 4-5-1 noho izy "Attaquant pivot". Endrika tsara ho azy kosa ny fahombiazan'ny Barea izay tonga hatrany amin'ny ampahahefa-dalan'ny CAN 2019 natao tatsy Ejipta farany teo. Tokony hanana klioba anefa izy mialoha ny volana novambra, izay hiatombohan’ny fifanintsanana ho amin’ny CAN 2021.

J. Mirija