Sport

Partagé sur :
• facebook

Nanakoako tamin’ny fampahalalam-baovao iraisam-pirenena ny zava-bitan’ny ekipam-pirenena Malagasy amin’ny baolina kitra hatry ny halina.

 Mitohy ny fametrahan’ny Barean’i Madagasikara tantara any amin’ny CAN 2019 amin’izao fandraisany anjara voalohany izao. Lavon-dry Faneva Ima tamin’ny isa 2-0 be izao ny andrarezina Nizerianina omaly teo amin’ny lalaom-bondrona farany natrehan’izy ireo tao amin’ny kianjan’Alexandrie any Egypte. I Bolida no nahatafiditra ny baolina voalohany matin’ny Malagasy teo amin’ny minitra faha-13 aryi Carolus tamin’ny alalan’ny “Coup Franc” nodakany kosa no nampiditra ny baolina faha-2 teo amin’ny minitra faha-53 ary izy ihany koa no voahosotra ho “homme du match” tamin’ity lalao omaly ity. Nampidelira zy nampitambatra ny mpitia baolina Malagasy nanerana ny nosy io fandresena azon’ny Barea io ka saika nivoaka ny trano naneho ny hafaliany tamin’ny horakoraka sy fitsofana mozika an-dalana ary ny fanapoahana sarom-bilany nanerana ny firenena. Teo amin’ny lalao faharoan’ny vondrona B notontosaina omaly dia resin’i Guinée tamin’ny isa 2-0 koa i Burundi.  Tafakatra avy hatrany hiatrika ny lalao ampahavalon-dalana izay hanomboka amin’ny 5 ka hatramin’ny 8 jolay 2019 any Egypte ny Barea Malagasy voalohany ao amin’ny vondrona B manana isa 7 sy Nigeria faha-2 manana isa 6. Faha-3 kosa i Guinée manana isa 4.

Voka-dalao hafa andro faha-3 farany ho an’ny Vondrona A :

Ouganda - Egypte ( 0 - 2 ) ; Zimbabwe - RD Congo ( 0 - 4 )

Fandaharan-dalao vondrona  C sy D anio alatsinainy 1 jolay :

07 ora hariva malagasy : Afrique du Sud # Maroc (D) ; Namibie # Côte d'Ivoire (D)

10 ora alina malagasy : Tanzanie # Algérie (C) ; Kenya # Sénégal (C)

Ntsoavina Evariste

Tia Tanindrazana

Samia mijoro ho an'i Gasikara.