Sport

Fandraisana ny Barea tetsy Mahamasina Nafarana mafy ireo ray aman-deny nitondra zaza

Sport
Alatsinainy 06 Febroary 2023

Vahoaka maro be omaly folakandro no tazana tetsy Mahamasina nitsena ny ekipam-pirenena Barea avy nifaninana tany amin’ny CHAN tany Alzeria.

Nanomboka teny amin’ny seranam-piaramanidina Ivato izany niaraka tamin’ny babampa sy ny fitsofana kirioka, nitohy teny amin’iny lalam-baovao Tsarasaotra iny…Niasa mafy vokatr’izany ny mpitandro ny filaminana. Ireo izay nitondra zaza no tena voakasik’izany nisorohana ny mety ho fahaverezan-jaza, tranga izay miseho matetika rehefa misy lanonana mahavory vahoaka tahaka iny omaly iny. Niantso izay nahita zaza very ihany koa ny mpitandro ny filaminana nandritra izany mba hampandre azy ireo avy hatrany raha toa ka nisy izany. Efa hariva mihitsy moa vao saika niverina tamin’ny laoniny avokoa omaly ireo tobim-piantsonan’ny taxibe voatery notapahina tamin’ireo lalana nolalovan’ny Barea nahafahan’ny vahoaka niara-paly tamin’izy ireo.
Pati
Legende : Tetsy Mahamasina omaly