FANAVOTANA NY BAOLINA KITRA

Inona no tsy hanomezana sehatra bebe kokoa ireo teknisiana malagasy ?

Sport
Alarobia 04 Desambra 2024

Marary ny kitra malagasy, resin’ny Kaomoro tamin’ny lalao farany ary nihintsana tsy afaka handray

anjara amin’ny CAN 2025. Raha ny laharana dia nihemotra ka lasa faha-115 maneran-tany i Madagasikara Taorian’ny fametram-pialan’ny mpanazatra nasionaly Rôrô na Rakotondrabe Romuald , dia nandefa tolotr’asa hitadiavana izay hasolo azy ny federasiona malagasin’ny baolina kitra (FMF).Raha ny angom-baovao dia maromaro ireo teratany vahiny maniry haka izany andraikitra izany. Isan’izany ilay teratany Kaomoriana Amir Abdou, 52 taona, mpanazatra ny ekipan’i Maoritania izay tsy tafiakatra any amin’ny CAN 2025 ihany koa.Fantatra fa ireo mpanazatra vahiny dia mikarama hatramin’ny 20 000 euros, izany hoe efa ho 100 tapitrisa ariary isam-bolana, ankoatr’izay ny staff izay tsy maintsy karamaina lafo ihany koa. Inona moa no tsy handraisana ireo teknisiana sy mpanazatra eto an-toerana dia milofo amin’ny fanofanana ny hoavy amin’ny fanampiana ireo akademia ka hametrahana tanjona ny hamoaka mpilalao matihanina ?
RTT