Sport

Fanatanjahantena nentim-paharazana Voazanaka, hoy ny GAKAMA

Sport
Sabotsy 19 Janoary 2019

Hifampijery isika manomboka izao, hoy ny filohan’ny fikambanana GAsy KA MAhery (GAKAMA), Maitre Michel le Dragon, satria sambany tao anatin’ny 120 taona no hanomboka ho sahy hiteny amin’ny maha gasy azy ny gasy.

Nosokafana tamin’ny fomba ofisialy omaly tetsy Mahamasina ny toerana voatokana natao hifanenan’ny tontolon’ny kolontsaina sy ny fanatanjahantena eo anivon’ity fikambanana ity. Notolorana sertifika manokana ho marik’izany ireo andrarezina teo amin’ny tontolon’ny kolontsaina sy fanatanjahantena toy ilay andrarezin’ny gitara Prosh’Ely. Nasian’ny filohan’ny fikambanana tsindrim-peo manokana ny mikasika ny fanatanjahantena nentim-paharazana. Lesoka tamin’io, hoy ny tenany ilay fanjanahana azy. Ny Diamanga na ny dakan’ny manga, izany hoe dakan’ny hova, izay nolovaina tamin’ny adin’akoho, ohatra, dia lasa takona rehefa voazanaky ny taekwondo. Ny Ringy nosoloina ny Judo. Ny Morengy nosoloina Boxe anglaise. Mila ampiharina ny lalàna 2005 – 006 ny 22 aogositra 2005 izay manery ny fanjakana hanampy ara-bola ny mpanao fanatanjahantena, hoy ny tenany. Ny faniriany dia mba ho mpanao fanatanjahantena no lasa minisitry ny fanatanjahantena ary olon’ny kolontsaina no minisitry ny kolontsaina.

J. Mirija