Sport

Fanatanjahantena an-tsekoly 2019 2800 ny mpandray anjara any Toamasina

Sport
Alarobia 16 Oktobra 2019

Tontosaina any Toamasina nanomboka tamin’ny alatsinainy 14 oktobra 2019 lasa teo ka tsy hifarana raha tsy amin’ny alahady 20 oktobra 2019 ny fifaninanam-pirenena fanatanjahantena an-tsekoly 2019 izay

karakarain’ny minisiteran’ny fanabeazam-pirenena sy ny fampianarana teknika ary ny fanofanana araka asa. Ankizy mpianatra mahatratra 2800 amin’ny sokajy Benjamines, minimes, cadet sy cadette, mitsinjara amin’ny taranja 5 samihafa (volleyball, basketball, football ary atletisma) no mandray anjara amin’ny hetsika ka toerana 4 no handraisana azy ireo ary toerana 7 kosa no hanatanterahana ny fifaninanana. Ny lanonam-panokafana no notanterahina tamin’ny alatsinainy 14 oktobra teo ary any amin’ny sabotsy 19 oktobra kosa no hanatanterahana an’ireo lalao famaranana rehetra ary natokana ho fanolorana amboara sy mari-pankasitrahana kosa ny alahady 20 oktobra . Ny orinasa HITA « Huilerie Industrielle de Tamatave » no mpiara-miombon’antoka amin’ny fanatanterahana ny fifaninanana ka manolotra rano hosotroin’ireo mpifaninana ary hanolotra ihany koa loka ho an’izay mahazo laharana 1 sy faha-2 amin’ny fifaninanana.

Ntsoavina Evariste