Sport

Fanatanjahantena an-tsekoly 2017 Nahery indray ny avy any Atsimo Andrefana

Sport
Alatsinainy 28 Aogositra 2017

Nifarana omaly alahady 27 aogositra ny “Championnats Nationaux du Sport Scolaire” andiany voalohany

notontosaina tany Mahajanga nandritra ny 10 andro 18-27 aogositra 2017. Ny famaranana ny lalao volley-ball no notontosaina nialoha ny lanonam-pamaranana notontosaina tao amin’ny kianja Rabemananjara. Nisongadina ny ankizy mpianatry ny Faritra Atsimo Andrefana tamin’ny fahazoana medaly be indrindra, anisan’izany ny medaly volamena 7 azony, nanaraka azy ny Faritra Alaotra Mangoro. Niavaka ny fahatrarana ireo mpangala-taona niisa 18 tamin’ireo 32 notiliana tamin’ny fomba manara-penitra. Anisan’ny taranja vaovao tamin’ity andiany voalohany « Championnats nationaux » ity ny « Urban Cross » izay fifanintsanana hazakazaka 3,5 km ho an’ny zazavavy ary 5,5 km kosa ho an’ny zazalahy izay nibatan-dRasoanirina Françoise (Matsiatra Ambony) 13’23’’43 sy Heriniaina Dolph (Alaotra Mangoro) 17’41’’35 an’ireo medaly volamena tamin’izany.

Ntsoavina Evariste