Sport

Fanamian’ny Barea Miteraka ady hevitra

Sport
Talata 04 Jona 2019

Somary miteraka ady hevitra ao anaty tambazotran-tserasera ihany ny fanamiana vaovao isaloran’ny ekipam-pirenena malagasin’ny baolina kitra na ny Barean’i Madagasikara.

Tsy izy rehetra akory fa ilay ambonin’akanjo maitso izay misy sarina Aloalo, toy ny nisalorana farany teo. Ao ireo milaza fa tsy dia tsara ampiarahana amin’ny tontolon’ny velona loatra ity kolontsaina hita eny amin’ny fasana Mahafaly sy Antandroy ity satria natao hitantarana ny fiainan’olona iray efa maty izany. Ao koa anefa ireo milaza fa izay mifanehitra amin’ny Barea any amin’ny CAN izany dia fasana. Tokony mba nanadihady ny anton’io fomba io tany amin’ny faritra nihaviany kosa anefa ny tompon’andraikitra eo anivon’ny federasionina nialohan’ny fanapahan-kevitra, hoy koa ny sasany.

J. Mirija