Sport

Fanamiana vaovao ho an'ny Barea Nilaza ny heviny i Abel Anicet

Sport
Sabotsy 18 Aprily 2020

Taorian’ny fifaranan'ny fiaraha-miasa tamin’ny Garman namokatra ny akanjo sy fitaovana isaloran’ny Barean’i Madagasikara, dia nisy ny antso tolo-barotra

nataon’ny Federasionina Malagasin'ny Baolina kitra, ka nisy orinasa nambara fa tsara toerana hahazo ny tsenan’asa. Naneho hevitra manoloana izany i Abel Anicet omaly. Amin'ny anaran'ny mpilalaon’ny Barea no hanehoako hevitra mikasika ny “équipementier” na mpamokatra ireo fitaovana ho an’ny ekipa nasionaly. Gaga izahay amin’ny adihevitra sy resaka mikasika io raharaha io, hoy ity kapitenin’ny Barea ity. Izahay mpilalao Barea, izay ny ankamaroany dia milalao aty ivelany dia tsy mahalala izany "Cercle by ted" ho équipementier izany. Tsy àry mbola nahita na taiza na taiza izay mba vokatr'izany orinasa izany, tsy mba toy ny Adidas, Nike... izay mampitafy ny ekipa lehibe. Mahatsapa izahay fa mba azo lazaina fa ekipa lehibe eto Afrika ny Barea koa mangataka izahay mba ho mendrika ihany koa ny fampitaovana omena azy, hoy izy. Aleo mba amin'ireo “marque” lehibe isika no hisafidy sy hanao fifanarahana fa tsy handeha amin’ny hazo tsy fantatra, hoy iAbel Anicet Andrianantenaina tao amin’ny tambajotran-tseraserany.

Toky R