Sport

Fanadihadiana momba ny raharaha Sucoma Andrasana anio izay vokany

Sport
Alatsinainy 23 Martsa 2015

Tapitra ny sabotsy teo ilay 72 ora nomen’ny Depiote Hawel Mamod Ali ny Filohan’ny Antenimieram-pirenena. Notakian’ity Solombavambahoakan’i Morondava ity ilay vola 30 tapitrisa ariary hamatsiana ilay fanadihadiana parlemantera mikasika ilay fitifirana ny zanak’i Morondava nandritra ny fihetsekitsehan’ny mpiasan’ny Sucoma tao an-tampon-tanànan’i Morondava ny 10 desambra 2014. Efa lany teo anivon’ny Antenimieram-pirenena io fanapahan-kevitra io ary solombavambahoaka 77 no efa nanao sonia. Hatramin’izao anefa, tsy tonga eo am-pelatanan’i Hawel Mamod Ali ny vola hamatsiana io fanadihadiana io ka nahatonga azy nanao ilay taratasy fampatsiahivana. Araka ny nambaran’ity farany dia miandry hatramin’ny anio alatsinainy aloha izy noho ny 72 ora napetrany nifarana ny sabotsy andro tsy fiasana. Raha tsy mahazo valiny mahafa-po ny tenany dia hiditra amin’ny dingana manaraka indray mba ho fiarovana ny zon’ny zanak’i Morondava izay latsak’aina noho ny fitakiany ny zony nandritra iny fitokonan’ny Sucoma iny.

Andry Ratovo