Sport

Fampivoarana ny kitra malagasy Hatao isan-taona ny M’foot fokontany

Sport
Alatsinainy 11 Febroary 2019

Araka ny fanazavan’ny avy eo anivon’ny Alefa Barea tetsy amin’ny Dome Akorondrano dia hotontosaina isan-taona manomboka amin’ity taona ity ny fifaninanana baolina kitra ho

an’olona 7 isam-pokontany ho an’ireo katitakely 13 hatramin’ny 15 taona nampitondraina ny lohateny hoe M’Foot fokontany U 15. Efa nanomboka ny alarobia teo ny fisoratana anarana, raha ny fanazavan’ny filohan’ny Alefa Barea, Lova Ramisamanana, hifantenana ekipa avy amina fokontany miisa 12, hamarana ny fifaninanana ny 30 martsa ka hatramin’ny 12 mey izao. Ho fampiroboroboana ny kitra Malagasy, hoy ny fanazavana no tanjona sady hanomanana ireo ho taninketsan’ny ekipam-pirenena malagasin’ny baolina kitra sahady dia ny Barean’i Madagasikara. Etsy amin’ny foiben’ity fikambanana ity etsy Antsahabe sy etsy amin’ny foiben’ny fahitalavitra rahavavy RTA Ankorondrano kosa no hahafahan’ireo izay liana manoratra anarana.

J. Mirija