Sport

Fampiofanana mpitsara rugby Natao tamin` ny alalan` ny dihy “Jerusalem”

Sport
Alakamisy 12 Novambra 2020

Tsy mitsahatra mikaroka fomba entina hampitana fahazaina ho fampandrosoana ny taranja lavalava ny eto Madagasikara. Fampianarana amin`ny endriny hafa no nampiofanana ireo mpitsara mba hampahafantatra ny famantarana sy ny fihetsin` izy ireo rehefa mitsara lalao satria dia natao tamin` ny alalan` ny dihy sy mozika izany.

Tamin` ny alalan` ny dihy malaza “Jerusalem”no nanatanterahina izany fampiofanana izany. Narindra araka izany ny fomba famantarana rehefa “essai”, “avantage”, “essai non validé », « passe en avant »… Matetika dia saika voailika any amin’ny mpitsara avokoa ny olana rehetra mitranga eny amin’ny kianja. Misy ireo miezaka ny miala amin’izany, koa tsy azo hodian-tsy hita ireo minia mampidi-kizo ny mpitsara malagasy. Hoentina hanamafy ny fototra azy ireo moa no tanjon` ity fampiofanana ity.

Marigny A.