Sport

Fampiakanjoana Barea Miady sisika ny marika Nike sy Errea

Sport
Zoma 06 Martsa 2020

Tapitra tamin’ny taon-dasa ny fifanarahana tamin’ny orinasa Italianina Garman amin’ny famokarana ny fanamiana ho an’ny ekipam-pirenena Malagasy ho an’ny taranja baolina kitra dia ny Barea.

Ny fiandohan’ny volana janoary dia namoaka antso tolo-barotra ny Federasionina Malagasy (FMF) momba ny fampiankajoana ny Barea. Miady sisika mafy mandresy lahatra ny hampiakanjo ny ekipam-pirenena Malagasy ny ny orinasa Amerikanina malaza dia ny Nike izay tompon’ny marika “Nike” rahateo, ary fanta-daza maneran-tany. Torak’izany ihany koa ny Errea an-dry zareo Italianina, iray amin’ireo marika malaza indrindra eto ambonin’ny tany ihany koa. Isan’ny doka lehibe ho an’ireo orinasa ireo ny fianjaikan’ny ekipa Malagasy ny marika vokariny noho ny laza sy ny toeran’ny Barea eo tontolon’ny kitra maneran-tany, indrindra fa taorian’ny fahombiazana tamin’ny CAN 2019 tany Egipta. Andrasana araka izany hoe: iza marina ny orinasa hahazo ny tsena ka hamokatra indray ny fanamian’ny ekipa Malagasy. Ho an’ny lalao hifanandrinana amin’i Côte d’Ivoire in-droa miantoana amin’ny fiarafaran’ity volana ity, dia hianjaika farany ny marika Garman ny Barea satria voalaza fa efa nisy ny vola naloa tamin’io orinasa io amin’ny hisalorana ny ambiny farany (stocks de maillots) avy amin’io orinasa io.

Toky R