Sport

Famaranana ny Chan 2018 Nigeria sy Maroc no hifanandrina

Sport
Alakamisy 01 Febroary 2018

Nidelira fandresena ny tao amin’ny kianja Mahommed V any Casablanca tamin’ny nahazoan’ny ekipan’ny Lions de l’Atlas ny fandresena nanoloana ny Chevaliers de la Méditerranée Lybiana 3-1 omaly alarobia 31 janoary 2018.

Baolina 2 tafiditr’ilay lohalarana El Kaabi teo amin’ny 78’ sy 97’ ary 1 tafiditr’I Ela Karti tamin’ny penalty 118’ no niantoka izany fandresena izany. Ady sahala 1-1 tamin’ny alalan’ny baolina matin’ilay Lybiana Abdularahman Ramadhan teo amin’ny 86’ no nisarahan’ny roa tonta tamin’ny 90 minitra fe-potoana ara-dalàna. Nafotaka ihany koa tetsy ankilan’izay ny lalao nifanandrinan’i Nigeria sy Soudan, nanana tombony anefa ny Nizeriana ka nahatafiditra baolina iray, ampy nitondra azy ireo any amin’ny lalao famaranana.

Ntsoavina Evariste