Famaranana ny amboaran’i Luxembourg

Nanao izay ho afany ry Clément Couturier

Sport
Alatsinainy 13 Mey 2024

Nanao izay ho afany ry Clément Couturier sy ny namany ao amin’ny Swift Esperange

nandritry ny famaranana ny amboaran’i Luxembourg eo amin’ny taranja baolina kitra ny faran’ny herinandro teo. Azo ambara ho namiratra mihitsy aza moa ity mpilalao malagasy ity nandritr’ity fihaonana tamin’ny FC Progrès Niederkorn ity. Nafy toto ny tao afovoanin’ny kianja saingy nitongilana tany amin’ny mpifanandrina ny zanaharim-baolina, hoy ny fomba fiteny izay, rehefa nisaraka ady sahala 1 noho 1 ny ekipa 2 tonta nandritry ny fotoana ara-dalàna sy fanalavam-potoana. Voatery niditra tamin’ny tsotsoromamba na «tirs au buts», noho izany, ka dia resy tamin’ny isa 1 noho 3 no niafarany.
J. Mirija