Sport

Famaranana Basket N1 B Tompondakan’i Madagasikara 2018 ny ECBBA

Sport
Alatsinainy 07 Mey 2018

Voahosotra ho tompondakan’i Madagasikara 2018 amin’ny taranja Basikety sokajy N1 B ny ekipan’ny ECBBA Analamanga. Resin’izy ireo tamin’ny isa nazava 78-66 omaly tetsy amin’ny kianja mitafon’i Mahamasina ny ekipan’ny As Fanalamanga Alaotra Mangoro.

64-43 no isa azon’ny roa tonta teo am-pialana sasatra ka mbola nitarika hatrany ny ECBBA Analamanga. Ankoatra ny amboara lehibe nobatainy dia notoloran’ny Telma finday Play tsirairay avy koa ireo mpilalaon’ny ECBBA. Nitana ny laharana faha-3 tamin’ity fifaninanana ity ny Cnaps Itasy. Voahosotra ho mpilalao mendrika kosa na nahazo amboara manokana sy tennis basket ary Sac à Dos ny mpilalao laharana 0 avy amin’ny ECBBA, Randriatsimarofy Juerry.

Nahery teo amin’ny fifaninanana “Tirs 3 points” lehilahy Ramarosata Ismael MB2ALL, teo amin’ny vehivavy kosa i Nivo Irma Romina Mb2All Analamanga izay samy notolorana telefaonina Titan sy T-shirt ary Casquette sy Gourde Telma tsirairay avy.

Ntsoavina Evariste