Sport

Ekipan’ny VBCD Volley Ball Efa manomana fatratra ny taom-pilalaovana 2019

Sport
Zoma 15 Martsa 2019

Tazana manoman-tena fatratra teny amin’ny kianja ivelan’i Mahamasina nanomboka tamin’ny talata 12 martsa lasa teo ny ekipan’ny VBCD Volley Ball sokajy 1DM sy 1DF eto Analamanga izay vonona tanteraka hiatrika ny taom-pilalaovana vaovao 2019 eo amin’ity taranja ity.

Tao aorian’ny disadisa anatiny nisy teo amin’ity ekipa ity tamin’ny fiandohan’ity 2019 ity ka tsy nahafahan-dry zareo niatrika ny lalao CCCOI 2019 natao teto amintsika farany teo dia nisy fandaminana vaovao nataon’ny VBCD ka efa tapitra niala avokoa ireo rehetra nanakorontana tamin’izany. VBCD amin’ny endriny vaovao tarihan’ireo Coach na mpanazatra ao aminy toa an-dry Rija sy Lanto ary Oscard no hiakan-tsehatra amin’ity taom-pilalaovana 2019 ity araka ny fantatra tetsy Mahamasina. Marihana fa ahitana mpilalao miisa 75 ankehitriny ao amin’ity ekipa ity izay mitsinjara any amin’ny sokajy 1DM sy 1DF, 2DM, JUNIOR Lahy sy Vavy, Minimes Lahy sy Vavy ary Benjamin sy Benjamine.

Ntsoavina Evariste