Sport

Ekipan’ny Barea CHAN Nafana ny fitsenana an-dRakool, Jean Yves, Rojo Be

Sport
Alakamisy 09 Febroary 2023

Noraisina tamin’ny fomba manetriketrika tahaka ny maherifo ireo mpilalao 3 mirahalahy isan’ny nandrafitra ny Barea CHAN tany Algérie dia i Koloina Razafindranaivo na Rakool,

Jean Yves Razafindrakoto, Rojolalaina Andriamanjato. Hafaliana no nandraisan’ny vahoakan’Ambohimarary sy ny manodidina azy ireo, ka vahoaka sesehena no nanotrona azy telo mirahalahy ireo tetsy amin’ny Kianjan’ny Coma Ambohimirary omaly. Ireto mpilalaon’ny Barea telo mirahalahy ireto izay novolavolain’ity Kianjan’Ambohimirary, ary mipetraka ho rehareha sy olo-malaza eny an-toerana ry zalahy ankehitriny noho ny ezaka vitany teo amin’ny baolina kitra, ary mbola manaporofo izany ny hikopahan-dRakool sy Rojo be any ivelany, ary heverina fa hanara-dia azy ireo tsy ho ela ihany koa i Jean Yves izay nitondra ny fandresena ho antsika nahazoana ny laharana fahatelo. Ankoatra azy telolahy ireto, nialohan’izao dia nafana ihany koa ny fitsenana ireo mpilalao hafa, toa an’i Tendry tetsy Ilafy, Dounga teny Itaosy,…
Toky R