Sport

Ekipan�ny CNaPS Sport Noraisina tamin�ny fomba manetriketrika

Sport
Sabotsy 10 Desambra 2016

Nigadona omaly teny Ampefiloha misy ny foiben�ny CNaPS ny ekipan�ny CNaPS Sport avy any Itasy rehefa avy niatrika ny lalao farany teo amin�ny fiadiana ny anaram-boninahitra tamin�ny fifaninanam-pirenena � THB Champion�s league �.

Raha tsiahivina dia lavon’izy ireo tamin’ny isa mavesatra 4-0 ny Elgeco Plus avy eto Analamanga nandritra ny lalao farany teo amin’ny « Poule des AS » ka nibatany mazava ny anaram-boninahitra maha tompondaka. Voaporofo ankehitriny fa ny CNaPS Sport aloha hatreto ny ekipa sangany indrindra eto Madagasikara. Efa in-telo nibata ny amboaran’ny « CCOI » na ny amboaran’ny klioba tompondakan’ny ranomasina Indianina ihany koa, ary efa fanindiminy tompondakan’i Madagasikara. Tsy mijanona hatreo ny fanamby fa tanjona ny mbola handrombaka sy hitazona hatrany ny amboara efa azo teto an-toerana sy ho lasa lavitra amin’ny fifaninanana iraisam-pirenena. Nomarihina tamin’ny fotoam-pivavahana ny fahombiazana goavana izao, ka noraisin-tanana sy narahabaina tamin’ny fomba ofisialy ireo mpilalao rehetra. Tsy latsa-danja tamin’izany ny fisaorana ireo mpiasan’ny CNaPS niara-nisalahy sy nanohana ary niombom-po hatrany tamin’ny mpilalao.

Toky R.