Sport

Ekipan'i Barcelone Nanambaran' i Rousaud fa mila an'i Neymar

Sport
Sabotsy 18 Aprily 2020

Nambaran'Atoa Emili Rousaud filoha lefitry fahiny ao amin'ny ekipan'i Barcelone fa tena maniry hatrany ny hiverenan'i Neymar Jr ao aminy ity ekipa malaza eran-tany ity.

"Tena maniry ny hamerenana an'i Neymar ao aminy ny Barça, hoy izy, nefa dia miankina amin'ny fandinihana akaiky ny toe-bolan'ity klioba ity ankehitriny izany ary miankina ihany koa amin'ny fifanarahan'ny
klioban'i Barça sy ny Psg ary ity mpilalao ity . Ny gazety l'Equipe no namoaka izany tenin'ity filoha lefitry fahiny tao amin'ny Barça ity omaly zoma 17 aprily 2020. Tsiahiviny anefa fa ny rain'i Neymar dia efa nanambara fa tena mahazo aina tokoa ny zanany ao amin'ny PSG ary tsy manana eritreritra mihitsy ny hiala ao izany aloha hatreto.

Ntsoavina Evariste