Sport

Ekipam-pirenena taranja Basketball Hiatrika tompondaka eran-tany 3 karazana

Sport
Alatsinainy 24 Aprily 2023

Ny 6 sy 7 may izao no hiatrika ny fifanintsanana ho amin’ny tompondaka eran-tany eo amin’ny taranja Basket ball, sokajy vehivavy,

na ny FIBA 3x3 World cup qualifier (Dames) ny ekipam-pirenena malagasy eo amin’ity taranja ity na ny Ankoay, sokajy vehivavy. Atao any Eilat, Israely, io. Ny 30 may hatramin’ny 4 jona kosa, any Vienne, Autriche, ny FIBA 3x3 World cup ( Hommes) na tompondaka eran-tany ihany fa sokajy lehilahy indray ary lalaovin’olona miisa 3 hatrany eto no resaka. Ny 24 jona hatramin’ny 2 jolay moa dia any Debrecen, Hongrie, ny FIBA U19 World cup, izany hoe ny fiadiana ny tompondaka eran-tany ho an’ny latsaky ny 19 taona ary lalaovin’olona miisa 5 kosa amin’izay. Miha manakaiky hatrany ny fotoana fa ny ekipantsika andeha ho tohanana foana moa, hoy hatrany ny fanentanana mandeha ataon’ireo tompon’andraikitra momba izany amin’izao fotoana izao.
J. Mirija