Sport

Ekipa voafantin’ny Abq Rugby Miditra amin’ny fampivondronana

Sport
Talata 02 Aprily 2019

Mpilalao rugby mpikambana ao amin’ny Abq « Association du Bas Quartier » niisa 120 no niditra amin’ny fampivondronana teny amin’ny kianjan’Androhibe,

tamin’ny faran’ny herinandro teo, hifantenana an’ireo mpilalao 30 raikitra handranto lalao any Mahajanga amin’ny volana jolay 2019 izao hiaraka amin’ny ekipan’ny Ftmm Morarano sy ny vétéran Abq ary ireo mpitantana ao aminy. Hetsika izay tafiditra indrindra ao anatin’ny fanamarihan’ny fikambanana ny faha-15 taona niorenany io. Isaky ny alarobia sy sabotsy antoandro izy ireo no hanohy an’izay fampivondronana izany eny amin’ny kianjan’i Morarano ka hivoaka any amin’ny faran’ity volana ity ny lisitra raikitra. Nomarihan’i Fafah filohan’ity fikambanana ity teny Androhibe fa hivoaka amin’ity herinandro hitsahana ity ny andiany faharoa amin’ny « survêtements » vaovao homena an’ireo mpikambana.

Ntsoavina Evariste