Sport

Partagé sur :
• facebook

Nambaran’ny filohan’ny FSN « Firaisana Sab-Nam » , Atoa Randriamanjato Roger,

 ofisialy teny amin’ny lanonana fifampiharahaban’ny fianakaviamben’ny klioba teny amin’ny « Espace Bouba » eny Ambohitrinimanga Anosy Avaratra tamin’ny sabotsy 28 febroary 2020 lasa teo ka nisian’ny fiaraha-nikorana sy fiaraha-nisakafo ihany koa fa «  hanomboka amin’ny sabotsy 14 martsa 2020 » ho avy izao ny fanazaran-tena voalohany ho an’ny sokajy U 10 ka hatramin’ny U 16 ho an’ny « Ecole de Foot FSN » naverin-dry zareo natsangana eny amin’ny faritr’i Sabotsy Namehana eny ka ao amin’ny kianja Frère Orion Niste ao Antsofinondry no hanatanterahana an’izany. Hisy ny dinika fampahafantarana an’ireo raiamandreny izay liana hampiditra ny zanany ao amin’ity « Ecole de Foot » amin’io fotoam-panokafana io satria tsy hiompana fotsiny amin’ny fampianarana ny fototry ny baolina kitra tsy akory ny tanjon’ny FSN amin’izao hetsika ho tanterahiny izao fa fanabezana manontolo mihitsy an’ireo ankizy ao aminy (fampianarana ara-moraly sy fanabezana olom-pirenena vanona ary fampianarana tenim-pirenena hafa sy lesona an-tsekoly ihany koa). Nomarihan’Atoa Roger ihany koa fa mbola hisy ny fampiofanana an’ireo « encadreurs » rehetra hiandraikitra ny fampiofanana an’ireo ankizy beazina ao amin’ity « Ecole de Foot FSN ». Marihana fa voaresaka tao amin’ity lanonam-pifampiarahaban’ny FSN nahatratra ny taona 2020 ity ihany koa ny fiomankomanana dieny izao amin’ny fanamarihana manetriketrika ny faha-65 taonan’ny fikambanana amin’ity taona 2020 ity.

Ntsoavina Evariste

Tia Tanindrazana

Samia mijoro ho an'i Gasikara.