Sport

Dihy ankehitrio Haneho ny talentany ny �Master Jah�

Sport
Alatsinainy 26 Aprily 2010

Tarika mpanao soradihy miangaly ny dihy ankehitrio ny Master Jah avy any Antsirabe. Ny taona 2002 no niforonany ary nandray anjara mavitrika hatrany amin�ireo fiofanana sy atrikasa isan-karazany ny tarika.

Tsy nitsaha-nivoatra ny tarika ka tody tamin’ny tanjony ireo mpikambana tamin’ny taon-dasa tamin’ny alalan’ny fahazoan’izy ireo ny amboara Itrotra 2009. Ilay sanganasa nampitondraina ny lohateny “diso ve?” no nandresen’izy ireo lahatra ireo mpitsara tamin’izany. “Tantara anehoana amin’ny alalan’ny soradihy ny fahasamihafan’ny fiainan’ny olona iray manan-katao sy iray hafa izay sahirana ny diso ve ?”, hoy Randriatsitohaina Thierry ao amin’ny tarika. Vokatry ny fiaraha-miasa amin’ny delegasiona Alliance Francaise dia hitety faritra hampahafantatra ny sanganasany amin’ny vahoaka malagasy ny Master Jah. Tanàna dimy no hisehoany an-tsehatra amin’izany ankoatra an’Antananarivo renivohitra. Ao amin’ny Tranompokonolona Analakely ny fampisehoana voalohany ny 29 aprily izao, amin’ny 7 ora hariva, avy eo any Ambatondrazaka eo amin’ny kianja maitso ny 2 mey, ao amin’ny “Foyer Canada” Toamasina ny 5 mey. Miampita ny ranomasina ka haneho ny talentany ao amin’ny Alliance Francaise Sainte Marie ny tarika ny zoma 7 mey ary miverina ao Ambositra ny 12 mey. Hamaranana ny fitetezam-paritra kosa ny fampisehoana ao amin’ny Salle d’oeuvre catholique Morondava ny 15 mey.

Yves