Sport

Coupe Arabe U20 2020 Tapitra ny dian’ny Barea

Sport
Alatsinainy 24 Febroary 2020

Nifarana omaly alahady 23 febroary tany amin’ny kianja Faisal Bin Fahad any Arabie Saoudite ny dian’ny Barea U20 miatrika ny fifaninanana “Coupe Arabe U 20 2020” eo amin’ny sehatry ny baolina kitra.

Resy fanindroany ny Barea U 20 fa lavon’i Maroc 2-1. Ry zareo Maraokanina no nampiditra ny baolina voalohany teo amin’ny minitra faha-50 ry nosahalain’ny Barea U 20 tamin’ny alalan’i Arnaud kapiteny teo amin’ny minitra faha-75 izany nefa nahazo “penality” teo amin’ny minitra faha-85 ny Maraokanina izay nodakan’ny kapitenin-dry zareo ka tafiditra soa aman-tsara ary io nahatonga ny Barea U 20 hampirin’entana io. Marihana fa ireo roa voalohany isam-bondrona no miatrika ny lalao 1/4-dalana hotontosaina amin’ny alakamisy 27 sy zoma 28 febroary 2020 izao. Nambaran’ny gazety maro mpiseho any ivelany manaraka an’ity fifaninanana ity fa marefo dia marefo ny vodilaharan’ny Barea U 20 no tsy nampahomby azy ary eo ihany koa ny tsy fananan’ny mpanazatrany traikefa amin’ny fitarihana ekipa tahaka itony.

Ntsoavina Evariste