Sport

Cosafa Women U 17 – Maurice 2019 Ao amin’ny vondrona B no misy ny vehivavy Malagasy

Sport
Talata 10 Septambra 2019

Hotanterahina atsy amin’ny nosy Maorisy manomboka amin’ny 20 ka hatramin’ny 29 septambra izao ny fifaninanana baolina kitram-behivavy, ny Cosfa U 17.

Firenena 8 no handray anjara amin’io fihaonana io dia i Afrika Atsimo, Botswana, Kaomoro, Madagasikara, Maorisy, Oganda, Seisela ary Zambia. Ao amin’ny vondrona B miaraka amin’i Botswana sy Seisela ary Afrika Atsimo no misy ny ekipa vehivavy Malagasy hihaona voalohany amin’ny Botswana amin’ny 21 septambra 2019 izao. Amin’ny 23 septambra kosa ny fihaonany amin’i Seisela ary amin’ny 25 septambra ny fihaonany amin’i Afrika Atsimo. Nanambara ny filohan’ny kaomisionan’ny baolina kitra vehivavy ao amin’ny FMF, Sandrine Michela Andriatsimialona fa nanomboka omaly alatsinainy 09 septambra 2019 eny Carion ka hatramin’ny alakamisy 12 septambra izao ny fampivondronana an’ireo mpilalao efa voafantina “préselectionnées” teo aloha hangalana izay ho any Maorisy.

Ntsoavina Evariste