Sport

Cosafa U 17 2018 tatsy Maurice Nobatain’i Angola ny amboara

Sport
Alatsinainy 30 Jolay 2018

Tontosa omaly alahady 29 jolay tao amin’ny kianja St François-Xavier aro Port Louis Maurice ny lalao famaranan’ny fifaninanana Cosafa U 17 taona 2018.

Nibata ny amboara tamin’izany ny ekipam-pirenen’i Angola nandresy an’i Afrika Atsimo 1-0. I Osvaldo Capemba no nampiditra ny baolina tokana ho an’ny Angoley. I Namibie nandresy an’i Maurice 2-1 no nitana ny laharana faha-3 tamin’ity fifaninanana ity. Tonga nanotrona sy nanolotra ny amboara tamin’izany ny filohan’ny Caf, Atoa Ahmad. I Angola izany no misolotena ny faritra Cosafa amin’ny fifaninanana Can U 17 hotontosaina any Tanzania amin’ny 2019.

Ntsoavina Evariste